Miar sind das Sprützwerk im Ruum Khur und erledigend persönlich und fachlich alles rund um’s Lackiera, Repariera, Restauriera, Veredla, Renoviera – eifach alles wo dr richtig Sprutz Farb druf muas.

 

Du kriagsch a ehrlichi Berotig und dis Lieblingsstuck an qualitativ hochstehende Sprutz zumane faira Pris. Ob as ganzes Fahrzüg, a Kotflügel, a grossa Kaschta oder spezielli Stüahl, vom Garagator bis zum Fensterrahma und vu dr ganza Jacht bis zum kliina Steg – miar hend für alles a Lösig oder findand eini.

 

Übrigens, miar hend kai Schadafreud! Aber im Fall vumana Schada bütend miar Diar an Vollservice a und sind besorgt, dass du am Schluss nid dr Schade hesch, sondern aifach a koga Freud.

Muasch dr richtig Sprutz ha – lüüt am Capararo a

081 252 00 44

Oder khum im Sprützwerk verbii und lohn die beroota

Weststrasse 11, 7000 Chur

Im Schadafall erledigend miar unkomplizieart, rassig und professionell alles was as brucht damit dis Fahrzüg so schnell wie möglich wieder uf d’Stross khunt.

 

Während du an Kaffi gnüssisch machend mir alli Abkläriga mit dr Versicharig, bütend dr Schadaexpert uf, reservierend dr Spengler und organisiered as Ersatzfahrzüg. Isch dia Büla kai Versicharigsfall gits pronto a Offerte und du waisch wie viel für d’Wiedarherstellig nötig isch und was as koschtet.

 

So oder so – am Schluss kriagsch dis Fahrzüg so zrugg wia offariert und abgmacht - lackiert, in Stand gsetzt, befreit vu Flugrost, poliert, putzt und so wiiter.

Muasch a Schada erledigt ha – lüüt am Capararo a

081 252 00 44

Oder khum im Sprützwerk verbii und lohn die beroota

Weststrasse 11, 7000 Chur

As git praktisch nüt, wo miar nid lackiera chönnt. Möchtisch du as beschtehends Objekt ufwärta, schütze, veredle oder an as bestehends Design apasse – miar findend a Lösig.

 

Spezielli Oberflächana wia Carbon reizend üs genau aso wia z’veredla vu Flächana im Bereich vu dr Architektur. Durch üsari langjöhrigi Erfahrig und Experimentierfreudigkeit könnt miar Alternativa zu da herkömmlicha Sprütz- und Molertechnika büta oder tüftlend sie für Di usa.

 

Dis Objekt söll durch üsari Arbet a neua Glanz kriaga – oder wenn gwünscht au Matt in Szena gsetzt werda.

Muasch a edle Look ha – lüüt am Capararo a

081 252 00 44

Oder khum im Sprützwerk verbii und lohn die beroota

Weststrasse 11, 7000 Chur

Neba am Lackiera bütend miar no meh Dienschtleischtiga a. Mir restaurierend, renovierend und reparierend Fahrzüg, kümmere üs um Hagel- und um Parkschäda, wechsle Schiiba us, machend Flugroschtentfernig und bütend a Abhol- und Bringservice a.

 

An dera Stell könntend miar no endlos Uflischta wo miar überall e Sprutz druf macha könnt. Viell aifacher isch aber Diar z’säga – as git praktisch nüt wo mir kai Sprutz Farb druf kriagend.

 

Kumm verbii oder lüt a und verzell üs vu dinem Projekt. Miar findend mitanand a guati Lösig und freuend üs schu jetzt uf dia Zämmaarbet.

Muasch a farbigi Lösig ha – lüüt am Capararo a

081 252 00 44

Oder khum im Sprützwerk verbii und lohn die beroota

Weststrasse 11, 7000 Chur

Capararo Sprützwerk isch as aigeständigs Unternehma in Khur mit da Kernkompetenza lackiera, repariera, restauriera, veredla und renoviera vo Fahrzüg und Objekt.
 

Miar sin überzügt, dass miar der optimal Asprechpartner für dr richtig Sprutz uf dis „Lieablingsobjekt oder Wahnsinnsprojekt“ sin.

Bi üs isch immer a direkta Asprechpartner umma – meischtens dr Chef persönlich – wo dini Bedürfniss ufnimmt und so schnell wie möglich a passabli Lösig ufzeigt.

Alli sieba Mitarbeitenda händ e grossa Sprutz Farb im Bluat. Die persönlichi Berotig und Betreuig isch üs genau so wichtig, wie dia hochi Qualität vu dr Arbet sowia d’ihaltig vu da abgmachta Termin.

Miar wüssend was miar könnt - und könnt miar usnahmswiis amol öppis nita, denn wicklend miar dina Uftrag mit einem vu üsarna Partner ab.

A suubari Arbet, ehrlich und fair offariert, für an grechtfertigta Priis umgsetzt – das isch üsari Philiosophie.

Muasch dr richtig Sprutz ha – lüüt am Capararo a

081 252 00 44

Oder khum im Sprützwerk verbii und lohn die beroota

Weststrasse 11, 7000 Chur